特別的一天

1月18日   星期四   寒冷

無寫blog幾日, 有無掛住兔寶寶呀?

剛剛過去嘅星期二, 真係特別嘅一天....

成日話LUNCH去一間酒家仔開飯,
係因為真係好抵食,
食咗咁多次, 终於有影相喇~

就係為咗呢碟豆豉鯪魚油麥菜,
大大碟, 廿八蚊..
宜家D菜咁貴, 自己煮都唔得啦!
.

再叫多幾個點心,
加一碟無攝入鏡頭嘅芙蓉蛋飯,
好多時我地都食到捧住個肚走,
都係百零蚊埋單咋!

食完野, 循例要去公園玩下,
有埋益力多飲, 都唔知幾開心...



閃得太快, 加上人仔捐來捐去,
完全影唔到相...

*****************************************

好喇, 呢晚我地仲去咗北角食飯.
食完飯, 見到有個妙齡女郎一拖四...隻狗,
唔抵得要抱下先~~

好重呀! 好重呀!
你地要減吓肥喇!
(請大家不要focus响我面容扭曲的表情上...)



好喇, 到深夜,
準備食奶奶瞓覺覺...
點知..我發現兔寶寶隻右腳腫咗!
大少話少擔心, 蚊咬姐...
不過我堅持送佢去醫院,
check一check, 唔係我成晚都唔洗瞓...

你睇兔寶寶, 同背後嘅大少, 表情幾無奈...

兔寶寶可能以為去野餐,
點都要拎住袋麵包, 唔放...


呢間律敦治醫院,
深夜嘅急症室...係一個病人都無嘅!
好彩仲有醫護人員, 唔係鬼影都無隻姐...
連分流都唔洗, 一見就見醫生...
一如大少所料..真係蚊咬囉!
不果隻蚊可能有D過濾性病毒,
所以醫生都開咗藥膏加埋兩支藥水俾BB...


折騰咗成晚, 兔寶寶一撻上床,
即瞓!

塗了藥膏的豬腳仔...
藥水無俾佢食呀!