兔寶寶和我慶祝生日(上)
尋晚兔寶寶婆婆同舅父嚟我地屋企睇BB, 順便補祝我生日...
上咗嚟同BB玩咗陣之後, 就去咗屋企附近嘅彩褔食飯....
第一次帶兔寶寶去酒樓呀, 由舅父抱住, daddy攞BB車, 兔寶寶好合作, 去到酒樓眼仔look look視察完環境之後就响BB車瞓咗LU.
有龍蝦特價呀!! 70幾蚊一斤, 叫咗兩隻, 上湯焗...
影相時已經俾人夾咗一隻LU.....
我果半隻, 又係食咗D先記得影相...
有西蘭花炒班片
有頭抽雞一隻, 食唔晒, 有半隻打包...
仲叫咗一煲粉葛鯪魚湯同埋魚滑浸菜苗, 又係唔記得影相.
食食吓, 酒樓果邊有中央廣播, 話有激光表演喎! 跟住就開恆音樂, D射燈响度射來射去....
兔寶寶就開始喊啦!!!
好彩, 婆婆出馬!! 即刻抱起兔寶寶, 而我就攞咗支一早pump定嘅奶出來俾我呀媽餵喇~~
兔寶寶: 係婆婆餵我食奶瓶我先食咋!!
食完抹咀咀先!!
兔寶寶: 好味, 我要自己搾住個奶瓶先!!
婆婆掃風嘅手勢好過媽咪好多呀!!
************************************************************************
沒有留言:
張貼留言