走入屯門

9月6日  星期五  陰天

星期三雖然是下雨天, 

我地都按原定計劃走入屯門探公公...

兔寶寶這天很精神,整程巴士都無"中"眼瞓...

係同爸爸玩D無聊遊戲先悶到打喊路姐~

同媽咪坐就好D喇~  :P

上咗去呀公屋企放低D野, 

大少陪公公睇動物紀錄片, 

我地三婆孫就落街買衫+食野....

臨行前公公吩咐要買套衫俾兔寶寶, 

不過我就買咗件雨衣....

因為呀B嘅衫仲多過我! 但就無雨衣!

而我都唔弱, 買咗幾件衫...

行到四點, 食少少野...

叫咗個無肉嘅水牛芝士pizza, 

細細個三個人分, 當點心食.

加幾蚊換嘅沙律.

加四蚊換嘅蒜蓉包, 

等咗陣先上枱, 即叫即焗, 比pizza還好吃.

下午茶跟免費自助任飲咖啡奶茶汽水,

三嵗以下免費...

不過我响呀媽屋企已經飲到成肚水, 都係飲咗半杯可樂姐...

倒咗1/3杯雀巢檸檬茶俾兔寶寶, 佢都飲唔晒...

Pizza就食咗差不多1/4個.

之後見商場有呢D玩具車, 

又玩咗一次.

買埋D糕點俾大少醫肚就返屋企...

呢件就係剛買嘅雨衣喇~

好大件, 應該返幼稚園都啱..

呢日呀公同兔寶寶都好心情, 

呀B仲肯俾公公抱添~

其實....小朋友嘅喜怒哀樂真係影響晒成屋人嘅心情架~

採獅!!

噢, 攪錯咗, 

頭先係採花炮, 隻獅响櫃頂!

之後大人睇電視等食飯, 兔寶寶就無聊玩拖鞋...