又HEA半天

4月25日  星期四  晴天

尋日一朝早要返醫院覆診,
本來大少都話陪我去架!
不過前一晚兔寶寶再次發燒, 扭足成晚,
到半夜三點幾先瞓,
咁就無謂勞師動眾陪嚟陪去啦.
覆診完返屋企再補瞓多一覺.

睡醒已經係下午兩點!
起身兔寶寶又好似無乜野咁,
退晒燒仲好精神,
但都要一番戰鬥同佢換衫落街飲茶,
仲C都唔肯著鞋!
(對鞋最後响酒樓由女部長及大少合力替她穿上)
呢幾日佢下午的胃口好咗D,
只係夜晚果餐除咗奶之外乜都唔肯食,
食量比之前少咗一半有多,
瘦到背脊見到骨, 好心痛呀!


响酒樓發現佢仲有D黃色鼻涕,
飲完茶帶佢去睇佢睇開嘅醫生,
點知原來個醫生逢星期三下午休息!
反正屋企仲有藥水, 就等第二日先喇.

飲完茶行去遊樂場玩.

有得玩佢就精神!



幫兔寶寶著鞋果個女部長唔講,
都唔為意呢日兩母女都係著粉紅間條衫!
難得著情侶裝, 一定要影多兩張相.

玩夠就沿路行去添馬公園,
我地都係第一次嚟呢!
風景好靚,
忍唔住捉埋釣緊魚嘅兔寶寶影相.

草地可以踩踏,
圖為被遺棄的睡寶寶...

呢度D海景仲靚過海皮呢!