二人晚餐@上環 K1 Cafe

4月26日  星期五  晴天

續: 又HEA半天
行完添馬公園,
我地就由金鐘慢慢行去上環,
因為BOOK咗枱食晚餐.
呢份二人餐, 係較早前响Groupon買,
買之前我學精咗,
上網睇咗comment先,
果然質素OK, 物有所值!

呢間cafe响樂古道,
門口都幾隱閉吓, 所以無乜人呢,
生意難做...

呢餐真係兩個人食,
因為兔寶寶飲咗兩啖果汁之後,
就乜都唔食!

餐前飲品可揀紅/白酒、cocktail或果汁.
大少要啤酒, 我要了紅梅汁.

初時兔寶寶都肯乖乖地坐定定,
無耐就扭坐大脾.


仲扭來扭去添~

多士, 薄薄四片.

餐湯, 隻碗幾特別,
唔難飲, 又唔係特別好飲,
我覺得最差係呢樣.

兔寶寶唔飲湯,
指住大少杯啤酒要飲...
俾你聞吓就得!


三文魚凱撒沙律

雜菌卡邦尼意粉都好好食.

PIZZA樣樣衰衰,
但夠熱夠脆又夠芝士,
大少食咗兩塊之後同我講話唔鍾意佢脆到好似餅乾咁,
早講吖, 我幫輕吓你嘛~
最憎果D好似食麵包嘅厚批底...

主菜要肉眼扒,
要六成熟真係六成熟,
肉質也很好, 薯條夠熱.
不過兔寶寶連薯條都唔吼...

大少好樂意成餐飯抱實兔寶寶架!
因為有人會餵埋佢食!
呢個時候兔寶寶又流鼻涕,
一時肯俾人抺一時唔肯...
今次就掙扎到好似一條離開水嘅魚咁...

之後仲借D二離開大少嘅懷抱,
落地跳舞...
睇吓, 間餐廳真係無乜人架!

跳跳吓舞又攪吓事咁...

食完主菜仲有多一杯餐茶同甜品,
大少要咗焗梨批.

我嘅朱古力批好食D喎~

大少用玩具氹返兔寶寶埋位,
BB好似知道就快走得咁,
好開心呀!


笑得蠱蠱惑惑.


可能玩咗大半日嘅關係,
兔寶寶當晚心情靚爆任我地除衫著衫換片片,
不過都係唔肯沖涼..