一日一餐

4月27日  星期六 陰天

兔寶寶返咗去BB女時代,
唔單止爬地下,
仲好似剛剛學習吞食咁,
一日只吃一餐固體食物(已經第八日了),
晚上只肯飲奶!

星期四去咗酒家仔午膳,
胃口正常架, 食咗兩碗仔衣麵同些少馬拉糕,
唔肯食肉、菇、菜.
晚餐就食咗少少蘋果(1/5都無),
一啖飯都唔肯食...
枉我果晚仲驚佢呢樣唔食果樣唔食,
煮到成枱餸, 叫埋大少返來吃.

怕佢掛住食奶乜都唔食,
仲專登塗咗D"手指水"响乳頭,
平時佢聞到就唔肯食架喇!
點知佢一於少理, 照食!
都話咗肯食苦瓜嘅兔寶寶唔怕苦架啦,
但點解餵藥水餵得咁辛苦嘅?!

仲有鼻水同兩聲咳架!
宜家D病菌好犀利,
我都俾佢傳染咗.
平時食兩粒幸福傷風素就好返,
今次睇埋醫生都攪唔掂,
同兔寶寶一樣, 鼻涕長流+狂咳,
大人都覺得辛苦, 枉論細路仔了.
為免再"反傳"俾兔寶寶, 宜家我响屋企都要戴口罩.

平時我都常常煮午飯,
但呢幾日兔寶寶一起身就扭食奶,
攪到成日都煮唔切飯.星期五又去咗飲茶.

臨出門口前有段小插曲.原來家中有人比兔寶寶更硬頸,
話說呢日呀B唔肯著襪,
咁我就話同佢著對涼鞋就算了(佢宜家肯著涼鞋),
反正都係落街飲茶姐...
點知呀大少C都要佢著返對襪穿波鞋...
對峙一輪, 最後大少勝出.

都叫佢好好睇吓呢篇文章架啦_{!濕碎野咪有得小朋友話事囉~
堅持吓唔好俾佢响圖書館同超級市場周圍走仲好啦!}
呢日兔寶寶幾乎食晒食碗油雞賴、半舊馬拉糕同少少南瓜露.
之後行百佳見到菠蘿包又話要食,
結果食晒------>上面層菠蘿皮(佢係第一次食菠蘿包);
返到屋企見到蜜糖星星又話要食.
算啦, 預你晚上唔食,
襯你有胃口就俾你食啦~

心情係好返D嘅,
至少同佢沖涼時扭得無咁利害,
肯聽吓人氹咁.
上網睇吓原來好多兩嵗B都係病完又病,
真係好驚兔寶寶一日一日咁瘦落去呀!

***********************

後記:

Yeah! 我成功了!
兔寶寶已經有八天沒有吃晚餐了...
她明明是肚餓的, 不然她不會C咬著奶頭不放.
於是昨天晚上,
我改了計策,
在廚房裝作鬼鬼祟祟的吃蕃薯(但卻故意讓她看到),
結果她扭著要吃----吃了小半個大蕃薯.
之後過了一小時,
我又"不小心"放了一鍋微暖的杰粥在兒童枱上,
叮囑她不要吃, 然後走入洗手間...
出來時她果然吃了, 還吃了大半鍋,
大約是半碗飯的份量...
估不到我家連吃飯也要像紫禁城後宮佳麗般老謀深算啊!