去鰂魚涌公園玩

10月18日  星期六  晴天

上星期長週, 

整個禮拜得一日可以瞓晏D~

其實唔係為瞓多果少少, 

假期最開心嘅係...同兔寶寶一齊賴下床!

星期日去咗鰂魚涌公園玩.

一早知呢個公園好大, 但唔太清楚明確位置, 

要玩鞦韆就會去返灣仔玩.

問明兔寶寶家姐, 原來北角係無公園有鞦韆的,

(如果大家知道有, 請話聲我知!)

同埋鰂魚涌公園其實離我家不遠, 

唔曬的話, 行都行到去!

兔寶寶好耐都未去過D咁大嘅公園, 

佢好開心呀~

呢日唔曬又涼涼地, 

呀B又開始識同下其仔小朋友玩, 

我可以走埋一二邊坐下.

呢個公園仲有免費wi-fi, 

真係大人同小朋友都滿足晒~

遊樂場嘅設施都幾多, 

不過兔寶寶都仲係選D小兒科嘅遊戲玩.

好似呢D兩級樓梯咁高嘅假石山, 

就滿足晒小朋友嘅挑戰慾.

****************

天氣開始涼咗, 

我同兔寶寶都好瞓咗好多.

呀B平時一叫就醒, 

上禮拜開始唔太肯起身返學.

幸好佢只係起身果下有D扭計, 

人一清醒, 佢都心急趕返學嘅.

****************

上星期六大少放假, 

平時佢都因為要送兔寶寶返學而無覺好瞓...

(自從佔中攪到交通大混亂開始, 

我同大少就交換咗, 佢負責早上送返學, 

我負責接放學, 即係佢要送埋個女返學先有得瞓~)

所以星期六放假呢日佢都唔得閒同D小朋友玩, 

留响屋企大覺瞓...

夜深等所有人瞓著, 我同大少又閃落街食宵夜.

叫咗兩個小菜,

一樣係沙嗲牛肉煲..

一個係小炒王, 

街坊鋪頭仔, 埋單都要二百二十蚊,

出街食飯真係貴咗好多!