MUFFIN變西班牙蛋餅?!

6月9日  星期日  晴天

整咗一大盒無加沙律醬的洋蔥薯仔蕃薯沙律响雪櫃,
大少挑了些洋蔥吃了,
剩下的薯仔粒蕃薯粒放了一整天都無郁過.
我麻麻地咁樣齋食薯仔蕃薯,
有想過加D調味料炒熱佢食...
整代糖杏仁片曲奇時剩了半隻蛋,
橫掂焗開野,
不如壓爛D薯仔蕃薯做muffin,
快快脆脆有得食.


整muffin最大的好處是幾多粉幾多蛋幾多奶是隨量的,
只要加D梳打粉同發粉就焗得起,
焗過咁多次都大概掌握到粉漿的稀杰度...
糖就只係加咗一湯匙左右,
我只是想焗一個個muffin樣子的東西出來,
好讓我塗花生醬吃.
只要不是變成石頭, 塗了花生醬就好吃了.
本來想試下一D麵粉都唔加,
就靠薯仔的殿粉質扮麵粉,
但雪過的蕃薯和薯仔單靠用叉並不易壓爛,
我也趕時間----已經焗緊曲奇餅了,
唔想再一次預熱焗爐呀!
於是就快手加入大約一兩湯匙低粉...
都係太濕呢!
見放麵粉的箱子有一包開咗只用過一次的法包粉,
心想用它來當麵粉都得掛?!
真係愈整愈亂咁來...
加咗1/4茶匙梳打粉,
包發粉卻遍尋不獲---想必是上次用光了又忘了買.
死就死啦, 反正都洗濕咗個頭,
唔通倒咗D粉漿佢咩?!
當做下實驗睇下會焗D乜野出嚟都好.

焗起喇!
好緊張, 有無變石頭呢?!

軟身架喎, 試下先...
又幾好食喎, 雖然唔似muffin嘅質地,
反而似食無批底的quiche...

味道呢....我覺得唔差架...
雖然滿足唔倒我要搽花生醬嘅慾望,
不過當蛋餅食又唔錯,
在它們完全放涼前, 已經被我吃光了.