簡單的自煮聖誕午餐

12月25日  星期二  寒冷

今日大少都要返工呀,
呢餐係尋日食嘅, 應該叫"平安夜"午餐先啱~



有焗沙嗲雞翼...

食譜:

雞翼  12隻(先用半茶匙鹽醃一會)
沙嗲醬  3大湯匙
糖  2湯匙

雞翼用鹽醃一會後加其他材料醃一晚;
預熱焗爐190度, 雞皮向底焗10分鐘;
反轉雞皮向面焗五分鐘, 加入剩餘的醃汁,
焗5分鐘...

呢種雞翼我第一次整,
雖然很簡單但很好味呢!

仲有雙芝草菇午餐肉pizza,
睇個名就知係臨時臨急無材料求其搵D野加落去喇~~

食譜請參考: 三色椒吞拿魚火腿薄餅(免搓餅底)

今次我用呀哥由英格蘭帶來的香草蕃茄醬塗面...


本來打算叫外賣pizza就算的一餐,
想起尋日應該有好多office會叫pizza開 party,
order一多要等餐C之餘,
D料自然縮水, 又焗得不夠火喉...
不如自己整算了, 一定夠多料..

雙芝就是mozzarella和高溶點車打芝士..

還有前一天整的茶葉蛋...

焗緊pizza時炒埋個菜, 剩咗少少午餐肉又切埋落去...

甜品就是Ugly chocolate cake
其實我仲煲咗腐竹白果糖水呢,
太飽都唔洗拎出來了...

兔寶寶也來大擦特擦..

佢最鍾意食焗到脆卜卜嘅pizza邊!
幾乎所有邊邊都係佢食晒!

兔寶寶: 媽咪, 唔好投訴!
             最多分少少俾你喇~

食蛋糕果陣仲要LAM埋隻手指..

P.S. 謝謝大少幫忙, 帶走兔寶寶去菜市場買蔬果,
       讓我有充足的時間去預備這一餐.