平安夜的Ugly chocolate cake

12月24日  星期一  寒冷

今日平安夜, 大家晚上都有節目吧!
可惜勤奮嘅大少呢兩日假期都要返工,
為咗俾佢同兔寶寶感受下呢日嘅節日氣氛,
我特別安排咗一餐聖誕午餐呢!!

主角係都幾有聖誕氣氛嘅Ugly chocolate cake...
之前都整過兩次架喇!
因為蛋糕裡頭無添加粉類，較無支撐力...
所以待涼後中央會凹陷下去, 呢個係特色來呢!
本來灑些少糖粉响面會更加有聖誕氣氛的,
不過大少怕甜, 所以省略了.

今次我等蛋糕完全放涼晒先脫模,
咁會更加完整呢!
為免焗燶表面, 蛋糕完全升起時(約20分鐘)我就加了錫紙蓋面了,
可能是這個原因, 又可能是因為天氣實在寒冷,
要花上整整40分鐘蛋糕才熟透呢!



尋晚整定, 今日食...
天氣凍, 都唔洗放入雪櫃.
本來怕大少不喜歡朱古力,
但佢食飽飽之後食完一小件還要添食!
兔寶寶呢?! 更加是食到LAM LAM 脷!

今晚我地都唔會出街玩,
兔寶寶真正享受一個平安的平安夜了...