放假一天

2月28日  星期二  陰天

尋日大少放假, 天氣寒冷,
都唔敢帶兔寶寶去公園玩.
去咗朗豪坊行吓.

兔寶寶: 大家見唔見到我呀??

 兔寶寶:  爸爸抱住我, 大家一定見到我啦!!

之後去咗買baby door gate裝响廚房,
以後少樣野煩.
晚上去2000YEN食放題.

响門口見到幾架BB車泊晒响度, 

都好多BB幫襯喎~

店員好好, 見我地一早BOOK咗枱, 
俾我地推埋BB車入去, 唔洗泊門口...

 兔寶寶: 你估我好想困响BB車入面咩?!
 

食野時間:

 

 

兔寶寶食壽司飯食得津津有味啵!

仲留返D飯做宵夜...

兔寶寶: DADDY你咁得戚舉起V字手勢做乜?

 發功!!

兔寶寶: 我係唔會俾你咁得戚嘅!!

***************************

前幾日兔寶寶襯我响廚房做緊野, 

攞咗大少個電話來打俾舅父, 
好彩舅父聽到BB响到笑嘅聲音知係BB玩電話;
更好彩係佢打俾舅父而唔係打三條九, 

唔係就大鑊喇~

今日又唔知攞我部電話攪咩呢?!

兔寶寶: 今次整蠱邊個好呢?!

 兔寶寶: 媽咪想影低我D犯罪証據,
            我偏偏响度扮乖先得!!

********************************

呀虎哥好鬼麻煩, 今日最多UPLOAD到兩張相(你地係咪咁呢?!),
舊文章又食相又呢樣果樣, 呢度攪得掂嚟果度攪唔掂,
麻鬼煩, 呢篇我都係响SINA度寫再copy & paste過嚟,
好心佢整好少少啦! 雖然係免費姐, 但佢收埋收埋都唔少廣告費架, 

請D好少少嘅R&D同programmer都得掛?!