團購playgroup@銅鑼灣Happy Melon

6月13日  星期四  晴天

端午節假期嘅早上, 兔寶寶除咗留响屋企畫畫之外,
我地仲上咗一堂團購playgroup呀~

呢次團購包六堂, 都係以英文授課,
老師唔係外藉人仕,
不過都無所謂嘅, 由一個中國人講英文可能仲聽得清晰D.
而且個老師都幾有趣生動,
兔寶寶都好似幾鍾意佢。
由於都幾多BB一齊上堂,
比較下兔寶寶行為未算好"出位"!
上完堂, 仲可以留响個indoor playground度玩一陣!

由一上堂開始兔寶寶就三番四次要求坐上呢D玩具車!

可惜無得入錢令佢郁!
其實係有D製禁令佢發聲嘅, 除咗playgroup,
呢度仲係一間兒童salon來,
呢D就係俾小朋友坐上去乖乖剪頭髮嘅"椅子"了.
我諗响度做個hair-cut就可以真係玩, 而唔係齋坐!



唔少得玩鞦韆, 呢個高度安全好多!

兔寶寶呢日著呢條"公主裙"係佢自己要求著的,
本來已經穿上了T-shirt短褲,
點知佢瞟到櫃桶有條咁嘅裙就指住話:"靚靚!",
又扯住件t-shirt要脫下來, 直至我肯換為止!
同佢講過好多次衫入面果個係princess,
但兔寶寶就係都話佢係"BB"!!!

上完playgroup,
BB好乖呀, 由銅鑼灣行返屋企,
沿途仲去買埋餸,
全程都係拖住我行, 無扭過我抱!

返到屋企特登同佢換件上年著都啱啱好嘅衫睇下,
果然由裙仔變衫仔, 仲爆埋鈕添!
兔寶寶著起, 身型即刻有D似技安個妹呀!