舊年一餐

1月2日  星期二  寒冷

正式踏入2013, 假期可以講話係完結了,
跟住成個一月都無公眾假期喇!
不過好快又農曆年, 時間真係過得快呢!

呢一餐係上年倉底貨, 某日嘅午餐.
有焗沙嗲雞脾...


做法同焗沙嗲雞翼差不多,
雞脾同雞翼, 各有各好食...

陣年茶葉蛋...
呢排雖然成日食蛋,
但放心喎~ 我地食烚蛋係唔食黃嘅...

半斤菜芯苗, 清炒..

焗雞脾時焗埋蕃薯, 乾手淨腳又慳火慳力...

全家幅...

飯後大少帶兔寶寶去公園玩,
而我就去買餸...
行到一半先發現自己無帶鎖匙,
要行返轉頭問大少攞...
見到兔寶寶玩得咁高興, 我梗係唔會錯過同佢影相啦!

大少好少會同兔寶寶影相,
即使影咗, 大部份相片都係鬆郁矇嘅..

唔係媽媽無帶鎖匙, 就會錯過影呢幾幅相喇~