九月一日

9月4日  星期四  晴天

今年九月一日, 大部份學生都開學了吧!

但兔寶寶是例外, 

佢間學校是九月三日才開學的.

而我也好感激老細體諒我,

俾我等到學校的適應期完結才上班.

之但係我份工有點跟project性質, 

所以未正式上班的日子, 

有客見的話, 要跟埋老細一齊見, 

當返part time咁...

九月一日呀B未開學, 我就要返幾個鐘頭工了~

 

大少亦珍惜同兔寶寶相處的機會, 

特地調了假, 在我上班時湊下呀B.

呢日大少帶咗佢去食KFC.

根據大少所講, 

本來佢計劃帶兔寶寶去香港公園的.

但果日陽光太猛烈, 

所以去咗行商場~

D相係大少後來whatsapp俾我嘅, 

我都唔知點解商場會有咁多大笨象!

 

再次証實小朋友真係鍾意D騎呢野的, 

兔寶寶對最騎呢果隻特別熱情, 

唔核突果一隻佢唔攬!

 

 

放工後會合佢地去銅鑼灣食放題.

大家都掛住食, 無乜點影相!

呢間係松家嘅姊妹店, 

之前食過一次幾好, 

今次再去就麻麻地亦無乜客, 

 刺身唔係太新鮮, 

呢個價錢應該無下次.

呀B未夠四嵗唔洗錢, 

佢就抵喇, 由頭帶到落尾!

今次仲俾佢試咗少少刺身...

飲品選擇都唔太多, 

莫講話ZERO可樂, 連芬達橙汁都無!

我要了康師傅綠茶, 

俾兔寶寶成罐霸咗...

之後又叫了一罐Lemon CC, 

呀B飲完罐綠茶, 又拎埋我...

你睇佢得戚到呢!

不如統計一下兔寶寶果晚食咗D乜:

手卷兩舊(只吃飯和紫菜, 入面D餡俾咗我)、

雞翼兩隻、熟蝦至少六隻、

多春魚至少六條、

蕃薯仔串燒兩串、

拉麵兩口、

菜、枝豆和魚生少量, 

最後還來多兩球雪糕.

以上份量還是保守估計呢!