游水水 + 開學

9月5日  星期五  晴天

九月二日, 兔寶寶開學前一天, 

我們走入屯門良景村的泳池游泳去, 

順便在娘家做節.

泳池範圍不准拍攝.

今次兔寶寶一點也不畏水, 

玩到唔願走, 很開心.

游完水, 個個都很肚餓, 

拍下了一幅餓鬼投胎照.

 

之後搭輕鐵去新墟的商場行了一會.

兔寶寶拎咗舅父副黑照, 唔捨得除~

 

晚上去了富臨晚飯.

無每碟餸拍照, 

只影了一幅食物照.

兔寶寶吃了不少東西, 

西瓜汁更是一人喝了大半榨.

***************

第二天九月三日, 開學了!

第一次穿著整齊校服, 

兔寶寶很開心~

書包很大, 要帶的東西很多, 

後備衫褲鞋襪都有, 

未帶任何教科書已經很重了.

我的本意是不會為孩子背書包的, 

自己的事自己做嘛~

(小時候父母都不會幫我揹書包, 

他們認為如果小小辛苦都捱不住, 

將來點出來做野呢?!)

但見呀B揹到條腰都彎晒, 

所以我把後備衣物放了在自己的背包內.

後來我發現地鐵很擠迫, 

兔寶寶咁細粒, 再揹埋書包會好論盡, 

將來還是我替她揹書包好了.

開始上課前, 是玩耍時間.

之後是唱遊、做體操、唱兒歌、做手工.

再跟住是大肌肉時間, 

小朋友可以踏單車、玩SIR滑梯和打球等. 

玩完一輪, 

就是吃水果時間!

上了三日堂, 暫時都未開始正式吃早餐和午餐, 

但已經開始訓練小朋友自己收拾用過的餐具, 

呢一part對於返慣playgroup食開茶點的兔寶寶是毫無難度的.

吃完東西就有講故事時間, 

之後就放學了.

總括來說, 兔寶寶上課的表現都很乖很守規矩, 

而且她很喜歡上學呢!

放學後, 還是不斷要求我帶佢返學, 

愉快的校園生活, 

算是一個好開始.