食扭扭批

9月30日  星期三 晴天

今個星期對上班族嚟講就好爽,

有兩日紅日喎~

不過我估好多人都會唔得閒, 

好似我公司咁, D同事就組隊去中環金鐘坐通宵!

對我呢D師奶仔, 

邊個做特首都係一樣, 

最緊要國泰民安, 

大人有工做, 細路有學返!

所以...我係唔支持佔中的...

持乜野意見都好, 

和而不同, 求同存異, 

作為香港人, 作為一個母親, 

我只希望和和平平, 社會有返D秩序咁姐~

**************

唔理出面點亂, 

我都想繼續歌舞昇平.

逢星期三兔寶寶都要著體育衫返學.

之前以為學校係梅花間竹咁一日著裙一日著體育衫, 

每套校服買咗一套就算.

得知要連續著校裙, 

要專程出去長沙灣買校服.

學校仲要求要有多一條校裙長放書包做後備, 

所以佢宜家一共有三條校裙, 

連冷衫都要買多件...

只要諗起一個K1學生要買兩對白鞋、一對黑鞋仲有咁多校服, 

份工有幾辛苦, 都要繼續頂落去!

呢日亦係大少放假日, 

所以爸爸接放學.

呢排兔寶寶成日都話想食pizza,

所以就去附近嘅Pizza Hut, 

試下佢地嘅扭扭批.

等我嚟之前大少用了五百蚊買了五張一百蚊的現金卷, 

除了做會員儲積分外, 

還有一些coupon送.

大少後來whatsapp返兔寶寶坐住等我放工個樣俾我睇, 

佢都等得好無奈!

叫咗個二人扭扭批餐, 

兩大一小食, 真係唔多夠食.

先來香蒜意粉, 

跟餐仲有兩碗湯同飲品.

返咗學之後, 

兔寶寶食野更加叻咗!

食得好快!

扭扭Pizza, 

太耐無响Pizza Hut食, 

唔記得咗佢個標準裝薄餅係咁細架添~

兔寶寶食到好似放監咁呀!

食之餘不忘攪下事,

宜家佢嘅口頭蟬係"我自己..."

好聽D係乜都自己做,

難聽D係乜都要叉隻腳落嚟, 

見人做乜佢都跟住做... 

二人餐真係唔夠食, 

最後叫多半隻燒雞.

呢隻雞...點汁就有汁味.

用咗coupon, 以優惠價六十蚊換購.

早知佢係咁嘅味的話, 

用果六十蚊來吃雲吞麵好過.