嫲嫲自家煮

11月1日  星期五  晴天

續: 放假一天

一如好多放假嘅日子, 

星期三晚我地都係去咗爺爺屋企食飯.

呢晚有紅蘿蔔粟米豬骨湯, 

我飲咗兩碗半~

雪菜毛豆肉絲

爺爺同兔寶寶都喜歡吃毛豆,

而我就很喜歡吃雪菜.

菜乾炆牛腩.

菜乾是嫲嫲自己在天台曬的, 

一斤菜心才曬得少少.

佢話宜家買到D菜乾唔靚又多沙.

自己曬嘅菜乾真係好甜好好食呀!

牛腩又好食, 因為呢個餸我吃了兩碗飯, 

全晚啄住呢味餸,

其他野都無乜點食~

嫲嫲見我咁鍾意, 仲專登打包了一盒給我拎走.

炒小棠菜苗.

鴨腎咸肉.

咸肉又係自己曬的, 

不過掛住食上面果碟牛腩, 我都無乜點食呢碟.

西蘭花肉片.

紹菜魚柳豆腐煲.

兔寶寶吃了很多魚柳.

打包了一盒回家, 都被她吃光了.

還有白灼蝦.

五個大人一個B食咁多碟餸, 

當然吃不完啦, 最後有一袋拎走.

其實其他人都無食飯.

留意了很多次, 佢地都係唔食飯的, 

白飯係專登為我而設, 

估不到我竟然會成為了飯桶~~~

吃到中斷嫲嫲撈了煲完湯的粟米出來, 

 大少話呢樣都要影...喎~

飯後吃橙.

呢幅相係想影低大少一食完飯做乜呢?

無錯就係即刻攞個電話出嚟打機!

兔寶寶有兔寶寶玩, 兩父女零交流.

見我影佢, 都知衰乜, 

唔好意思地笑了.

返到屋企果頭食埋碗庶汁糕先回家.