11月6日 星期三 晴天
連續兩日同大少午餐時都不太愉快,
理由得一個, 有人要節食減肥...
星期一去飲茶係由話要減肥果位先生提出的.
之前試得太多次D野食來到先至話唔食, 並且要我負責, 因為係我點的...
所以近期去飲茶都遂樣野問清佢食唔食先叫.
我頂吖~ 食佢係食呀!
麵食一條兩條, 點心食半粒囉~
同佢勞氣來都無用, 佢只會講一係你就打包,
一係就由得佢擺响度唔好食囉~
佢知我實唔捨得嘥野, 一定唔會浪費架~
到尋日响屋企煲粥食又係咁
煲之前已經問定呀大爺食唔食粥;
煲好出來係半碗都食唔晒~
兔寶寶八個月時都食得多過佢囉~
即係咁, 如果佢整天都雀仔胃都算啦,
之但係呀大爺係早餐食少少,
夜晚食多多喎!
餓咗成日臨瞓前先走來食,
黑心D講句, 抵佢愈減愈肥!
兔寶寶: 唔好勞氣, 鍚番~
哈哈，減肥唔容易架.
回覆刪除我都知唔易嘅, 但佢有佢減, 唔好搵我來攪嘛~
刪除haha, he is adult, let him do what he wants :)
回覆刪除唉, 佢D減肥概念錯晒又唔肯聽人講, 只能由得佢...........肥~ :P
刪除妳咪自己叫 / 煮自己嗰份，佢嗰份就佢自己諗掂 (煮就煮多的咁多咪得囉，佢食兩條咪煮多兩條夾開俾佢囉)! 妳咪成日就晒佢就自己攞嚟激氣!!
回覆刪除同佢講，萬法不及心肺運動出身汗，同埋要食得清淡多飲暖水 (戒晒 junk food and drink)，就自然會瘦架啦，其實好易!
我言多啦，得罪嘅請多包涵 (真係戥妳難受嘛!) ^.<
就係之前都係咁, 我食三文治, 問佢食唔食, 食就煮碟菜俾佢. 之後有排佢成日撩我出街食, 食一人一份嘅西餐, 見佢又成份食得晒, 咁先話煲粥去飲茶姐~ 家吓見過鬼怕黑, 講明佢有佢食, 我有我食! 佢都有去跑步架, 不過跑幾多就佢自己先知喇~
刪除你個blog 頭先我click 入黎話冇咗~不存在喎!~搞咩呀今日又~哈~
回覆刪除呢度都有少少short short地, 好多時入閱讀清單都係顯示空白嘅, 入圖又唔跟次序.
刪除唉!身在福中不知福,我有個朋友,有老婆有仔,係做裝修散工,難得有工晚晚有機會開夜工,成9點鐘打電話來同我吹水,原來佢響大乜樂晚食晚飯,問佢點解唔叫老婆留飯呀,佢話老婆費事留喎,又要洗碗又番熱留,麻煩喎.大佬老公係去開工揾家用架,真係一家唔知一家事,唔講真唔知.
回覆刪除我呢D無收入嘅就只係識慳, 好多時都會叫大少唔好出街食佢想食乜我煮俾佢, 係大少條味精癮到係都要出街食味精仲要俾人賺姐~
刪除唔好勞氣，咁妳咪可以有藉口慳錢唔使煮囉!仲可以煮得簡單同兔寶寶一齊食添!有時外食D嘢都幾肥膩架!
回覆刪除就係之前都係咁, 我食三文治, 問佢食唔食, 食就煮碟菜俾佢. 之後有排佢成日撩我出街食, 食一人一份嘅西餐, 見佢又成份食得晒, 咁先話煲粥去飲茶姐~ 家吓見過鬼怕黑, 講明佢有佢食, 我有我食!
刪除你老公唔係好肥咋嘛， 要咁辛苦忍口既？
回覆刪除佢個肚腩, 好似塞咗半個籃球咁呀!
刪除早餐食少少~晚上食多多~只會越來越肥~哈哈哈~~~~
回覆刪除大少都唔肥, 唔洗減啦!
回覆刪除有人要節食減肥, 你 話~~~黑心D講句, 抵佢愈減愈肥! 哈哈~~~
回覆刪除