嫲嫲自家煮

11月12日  星期二  晴天

前兩晚(也就是呀婆和舅父來玩的那天)兔寶寶累得未到九點就睡著了,

來不及幫她換上長袖睡衣, 又沒有開電蚊香, 

第二天她的被蚊子咬了很多口, 

左邊面也因蚊子咬得接近眼睛而紅腫了一片.

兔寶寶不但變成醜小鴨, 胃口也因為痕癢而差了.

於是昨晚大少叫我帶埋兔寶寶去嫲嫲屋企食飯, 

等佢有多D人同佢玩吓, 可能會無咁痕都未定...

嫲嫲整咗豆腐肉片羹.

西芹炒鮮魷

 

小棠菜煮粉絲,

第一次食呢個菜式, 估唔到咁煮清清地又幾好食.

蘿蔔炆牛腩

臘魚

咸肉

開飯時兔寶寶都係唔多願食(我係預咗的)

嫲嫲於是烚咗隻自己整的迷你紅豆糉俾佢.

貪新鮮又咬幾口, 跟住俾我執手尾.

 是夜兔寶寶又有小禮物收, 

是一頂帽型的髮夾和一個叮噹小袋.

夾咗個髮夾, 有D似穆斯林小童,

但看其東一袋西一袋的造型, 

又似八袋弟子個弟子...兩袋弟子,

又或者丐幫小會員~~~~