週未半天

11月11日  星期一  晴天

剛過去的週未, 兔舅父和兔婆婆來了灣仔陪兔寶寶玩.

舅父來到時兔寶寶還在上playgroup,

於是我就同舅父一齊接放學.

兔寶寶放學見到我們, 第一時間叫"舅父舅父舅父", 

連續叫了好多聲..

 


等埋婆婆來到, 呀B第一時間拉了婆婆入去動漫基地坐吓.
由於我地想食的食肆仲未開門, 我地去了公園玩.




等到五點幾六點, 我實在餓到不得了,
就重返餐廳睇吓開門未....
開咗, 入得!!!
這是在一條巷仔的韓國餐廳.




 前菜, 麻麻地...




叫了石頭飯.




店員幫我地撈勻.
小圖為菜牌的照片, 靚仔好多~
加咗辣醬好味D, 唔加就麻麻地好食.




炸醬麵是我要求叫的...
同韓國吃到的差異太大了, 
是完全不好吃!
這碗麵要九十塊, 這價錢可以吃到一碗不錯的日本拉麵了.




綠豆煎餅.

吃到這碟完全無味的炸物, 
我已經很後悔提議來這裡...
別理它價錢如何,
單以味道來計, 我敢說隔夜的油條還要好吃.



煎魚餅.

 最後呢碟, 試過真係無野講, 
原來煎魚餅即是蛋漿包住魚塊來煎...
我們都被相片誤導了是什麼特別的東西.
這都不是太大問題, 最大問題係佢完全唔好食!!!
我煮給兔寶寶吃的白烚魚塊仲要好食過佢!!

埋了單, 還有糖水送.
是韓國米糖水, 好像潮州粥下了糖的味道..




光顧了這餐廳後, 終於明白石頭飯和炸醬麵點解响韓國咁出名,
叫其他野食簡直踩雷呀~~
這餐吃得很飽(被那綠豆餅撐飽了), 
承惠五佰多元, 謝謝大佬請客, 
否則今餐我是十分不甘心掏荷包的.
 



兔寶寶係食咗DD咁多前菜和飲咗DD甜米水, 
還有就是和我爭飲麥茶.