倒數宵夜餐

2013年1月3日  星期四  寒冷

除夕同元旦呢兩日,
大少都要返工呀~
不過咁, 無論幾忙,
佢都會抽出小小時間, 同我地渡過由2012踏入2013年呢一刻嘅...

果晚好凍呀!
我地都唔敢走遠, 只係去咗屋企附近茶餐廳,
大少話要"食過年"喎!

大概有好多人同大少諗法一樣,
成間茶餐廳坐滿人呀!
我地叫咗一份鐵板雞扒...

咗有沙律...

一碟超熱氣但香噴噴嘅椒鹽九吐魚..

兔寶寶呢晚都係好頑皮呀,
愈叫佢唔好咬枱面(初時佢無坐BB櫈, 將張枱好似餅乾咁咬)佢愈要咬,
最後仲撞到自己個咀, 流血添!
喊到成間餐廳都聽到...
唉~ 口痕咬塊青瓜咪好囉~~~

電視直播煙花倒數節目, 大家有無睇呀?
無線搵咗好多三四線藝人唱歌跳舞表演,
我地大人就覺得好攪笑好騎呢啦!
不過兔寶寶就睇到眼定定呀!