處之泰然

11月3日  星期日  陰天

差不多幫兔寶寶報了十間八間幼稚園,

尋日面見咗兩間.

 

其中一間呢, 响呢區算係名校, 

基本上都係當俾兔寶寶去玩下;

Open day去過參觀, 加上其校長嘅一番演說, 

俾我嘅感覺就是成績成績和成績, 

多番強調有幾多%嘅小朋友會入去邊間名牌幼稚園.

唔係話妄自菲薄, 如果兔寶寶係好叻什麼都一教就會嘅小朋友就話姐,

我同兔寶寶都不算聰明勤力嘅人, 就算僥倖入到去盞大家辛苦.

而另一間嘅名氣雖然不大, 

但那些老師卻很友善, 睇過佢地嘅教育方針都很好,

至少會因著小朋友的差異來因材施教.

 

其實呢, 兔寶寶在兩個面試嘅表現都不是太好, 

不過呢D野無得到我控制, 

凡是唔到我控制嘅事情, 只能處之泰然,

睇下兔寶寶同邊間學校有緣份了.

 

面試時要兔寶寶串珠仔, 

即時手忙腳亂.

返到屋企亡羊補牢, 

女孩子對呢D小手藝很快上手, 串串下串得仲快過我....