迎接新年的晚餐

2013年1月1日  星期二  寒冷

2013年第一天, 祝大家新年快樂!!
希望大家都能在新一年願望成真!

前晚, 我地返咗兔寶寶爺爺屋企食飯,
奶奶準備咗好多老上海家庭新年食嘅菜式呢!

有臘鯇魚炆豬肉...


糖醋排骨...

元貝炒蛋

唐芹炒肉絲;
唐芹好食過西芹好多!

仲有外脆內軟嘅上海式春卷,
入面包住紹菜和肉絲, 好好味呢!

呀老爺話上面果幾碟係過年一定會煮架!
仲有奶奶自己打嘅魚蛋煮椰菜花..

飯前飲咗兩大碗魚頭湯...

四個大人加一個BB食咁多餸,
梗係食唔晒啦! 最後仲有大大盒餸俾我打包拎走,
真係又食又拎呀!!

食飯前大少醒起我响個blog度投訴佢唔幫我影相,
主動幫我影咗張相, 雖然係求其D,
不過算啦!

臨開飯我响廚房幫手"畢"湯果時,
兔寶寶打爛咗個有半個大人咁高嘅花瓶呀!
攪到成個廳都係水, 真係水為財了!
兔寶寶你曳埋呢日, 今年開始要乖乖喇!