食、玩、瞓HEA半天

4月29日  星期一  陰天

兔寶寶嘅病已經好番七七八八,
只係仲有D鼻水, 但已經不是黃黃的了.
胃口同平時嗜好亦續漸恢復正常,
前日仲主動要求洗白白添~

尋日舅父同外婆專登出來,
帶兔寶寶玩咗半日.
我地先去屋企附近一間德國餐廳食TEA.
兔寶寶伏到個身咁前, 攪咩呀?!

原來同呀婆玩面貼面, 好煙韌呀~


妒忌ing....

呢間餐廳無TEA SET, 而且係樓上鋪,
所以無乜人, 我地幾乎包場咁滯.
果朝我帶咗兔寶寶去吉野家食早餐,
加上呀婆食咗午飯先出來,
我地只係叫咗兩樣食物share吃.
第一樣係炸德國芝士配乾無花果醬...

炸芝士年糕吃得多,
100%的炸芝士第一次吃.

內裡是藍黴芝士,
質感軟滑, 味道溫和.
本來剛剛好一人一塊,
兔寶寶卻掛住食那小小一瓶無花果醬,
只吃了半塊炸芝士,
執手尾來講, 最開心係今次..

另外還叫了煙火腿牛肉甘文不芝士薄餅.

是我喜歡的薄脆批底呢!
多吃了也不覺滯.



一上桌立刻吸引了兔寶寶的目光.

很喜歡它上面的甘文不芝士粒.

這間餐廳的東西很對胃口,
原來它在週未還有dinner buffet呢!
只是二百多塊一位, 比散叫抵得多,
找機會一試.
兔寶寶前一晚很晚睡卻很早起,
這一餐不停扭眼瞓不太願吃東西,
益了我吃了共三片薄餅~

吃完東西我們沿路行去維園.
扭眼瞓的兔寶寶不願自己行,
要抱, 還指定要我抱!
我那有力氣呢?!
結果大隻舅父抱著不停掙扎的BB快步行至遊樂場,
差不多到達時呀B已經釣緊魚喇!
不過一見鞦韆即刻精神起來.

仲玩得好開心添!

玩完鞦韆, 見人吹泡泡,
兔寶寶又係得個睇字...

玩捐山窿時忽然停响度,
塞住個入口, 做成大擠塞.
俾其他小朋友投訴的兔寶寶鬧情緒唔開心,
咁就離開遊樂場了.

之後我地去誠品搵書,
BB已經頂唔順, 瞓著咗!

兔寶寶: 我頂咗好耐架喇~~~