由星期日呢一晚開始,
我回復返之前有乜食乜嘅習慣,
仲好好胃口添~
去完誠品搵書,
我地就响希慎入面搵野食喇!
為咗兔寶寶肯食多D,
我地去咗食佢鍾意嘅拉麵!(其實我都好愛吃日本拉麵)
呢間rasupermen想幫襯好耐,
大少係唔會食的, 今日襯佢唔响度先可以幫襯吓!
等位時响店外設嘅遊戲機玩埋D無聊遊戲打發時間,
得到十蚊現金卷一張,
並且得到一個啟示: 無咁大個頭就唔好戴咁大頂帽啦!
啱啱瞓醒嘅兔寶寶掛住打喊路, 無厘神氣..
不過佢好似知道這兒是吃麵的,
一坐底就不斷叫"麵麵"!
我要麵豉湯底拉麵,
味道濃郁.
呀婆要梅鹽拉麵,
湯底清得來很開胃.
兔寶寶終於肯乖乖地坐著吃麵了!
舅父要橄欖油拌麵配烤豚腩
呢碗麵好似撈麵咁, 配上清湯一碗.
店員說呢碗湯係店內最清最純嘅湯,
可以就咁飲, 不像中式撈麵般加落麵入面吃的,
因為麵本身已有足夠的味道了.
這個拌麵味道很特別, 也很好吃,
兔寶寶也吃了不少.
三種麵都給兔寶寶試過了,
佢幾乎食得仲多過我呢!
而且佢食得算快喇! 唔再係"誓願"了!
本來想叫多個麵,
見甜品吸引就留肚吃甜品.
這兒的甜品也不錯呀,
而且價錢不算貴(比起那些新式的甜品店而言)
想影張合照姐,
兔寶寶你洗唔洗咁嘅樣?!
好難為你咁...
呢杯係舅父order嘅米雪糕,
好滑, 不過我食唔到有米味.
兔寶寶指住呢杯想獨食,
唔得喎! 我地share食架!
得唔到完完整整一杯, 呀B本來發脾氣唔肯食!
試過一啖之後...
即刻咁嘅樣!
現實X 1000000000000000!!!!
呢杯係杏香布甸, 有D似早前好興嘅3.6牛奶布甸.
呢杯都係好滑,
有D似食緊固體杏仁糊.
兔寶寶食咗唔少!
呢款係奶茶布甸,
我係見到餐牌寫住cream brulee所以叫的.
味道係三款之中最濃郁,
啱晒我!
兔寶寶反而食一口就唔食了.
呢一杯甜品好抵, 只係廿蚊雞,
而且屋企無火熗整唔到.
兔寶寶呢餐食唔少野架!
多謝舅父請客!
食完呢餐呀B好似胃口大開咁,
返咗屋企瞓多一覺之後,
宵夜再食多半舊蛋糕、大半條魚柳、一小碟菜和一整隻香蕉!
沒有留言:
張貼留言