入屯門做節+ 返大陸

6月6日  星期四  晴天

一早約好星期二返屯門做節,
本來預大少唔去,
點知佢果朝先通知我拎咗假;
咁等佢瞓醒就搭巴士入屯門.
隔離位個婆婆一上車就拎咗盒馬豆糕出來食,
兔寶寶眼金金望住佢,
攪到人地唔係咁好意思,
不得不分甘同味---從袋中取出一小杯JELLY仔佢吃...
就係咁, 兔寶寶又呃到野食!

入到屯門, 第一件事係拎飛仔等位入茶.
呢間美心好似唔洗錢咁, 平日都超多人等位.
難怪大少話屯門D人好似唔洗做咁...

好耐無幫襯, 一定要食個西米焗布甸,
可能回憶總是美好的, 無以前咁好食,
其他點心都好似差咗咁...

飲完茶, 响商場行咗陣,
咁就去咗呀公呀婆屋企.
好彩咋, 行遲半步就落大雨!
返屋企發現連呀公都响樹玩Candy Crush....

到六點半, 又係返去美心食晚飯.
除咗呢碟餐前小吃乜都無影呀...

無瞓晏覺嘅兔寶寶,
一上BB車就變咗睡公主,
到人地食咗半席菜先醒...

食完晚飯冒著超大雨搭亡命小巴去上水,
轉火車返大陸按摩!