北上

6月7日  星期五  晴天

續: 入屯門做節 + 返大陸

今次北上因為落大雨嘅關係,
四圍都唔洗去, 
係去過一次卡拉OK同出去食過一餐飯咁大把;

去食晚飯時例牌玩吓電動車仔...

出去食一次晚飯,
因為第一間食得唔太滿意, 食完再走入去第二間食.
第一間店很小,
隔離枱的都是香港客.
電視竟然較咗去英文台--- 因為D客要睇馬仔!



第一碟, 我點嘅潮州炸豆腐.

呢碟算OK吖,
兔寶寶都食得津津有味.

蒜蓉豆苗,
係嫌佢細碟同油D姐...

炒薯絲, 都OK,
唔太油.

以上全都是齋,
食用獸想點半隻白切雞, 咁啱白切雞賣晒;
點豉油雞, 又無豉油雞.
叫我地食咸雞喎! 再唔係腰果雞丁啦!
吓?! 完全兩樣野嚟喎!

睇見人地飲一小煲例湯好靚,
原來係土茯苓湯, 又話賣晒...
大少於是求其叫碟紙包骨送酒,
一上枱, 賣相真麻麻...

用較剪剪D肉俾兔寶寶,
佢都食到咀扁扁...

用手食好味D!

***************************

食得到喉唔到肺, 行入第二間再食過.
呢間裝修企理得多, 至少個餐牌唔係爛溶溶.

蔬菜唔怕食得多,
再來一碟豆苗, 今次要上湯浸;
一D都唔油, 啱我~

得嚐所願叫到半隻白切雞,
皮薄唔太肥, 點埋個汁好好味,
呢碟三十幾.

佢有另一種叫天然養生雞,
話係走地食蟲大, 賣百六蚊隻,
價錢就差太遠了, 無食到.


我提議再點多個香煎蓮藕餅,
大少係咁話佢唔食, 又話乜野佢唔食甜野....
我話唔係甜架喎!
佢仲要話: "有香蕉點會唔係甜呀?!"
真係俾佢激C...(利申; 本人說話絕不帶半點鄉音的)

原來蓮藕不是刴碎溝在肉餅裡,
咁樣整都幾精緻, 配埋個汁又幾好食.

三樣野都係一百蚊,
呢間下次可以再食!

今次返去很多時候都落雨濕濕,
幸好回程時沒有下雨, 算幾好彩~