嫲嫲自家煮

6月5日  星期三  晴天

星期日晚上咗奶奶屋企食飯,
上到去飯餸已準備好了.

張合家歡鬆郁矇, 睇得唔多清楚...

最上碟順時針落係上海八寶醬加辣版、
煎牙帶魚(再上側為拍青瓜)
、薑蔥炒蟹、白切雞、燒肉煮豆腐、雪裡紅小棠菜炒肉絲,
中間果碟係腐乳通菜;
仲有冬瓜瘦肉湯.

薑蔥炒蟹.

通菜.

雪裡紅毛豆小棠菜炒肉絲

趕住食飯無遂碟影.
有粥有飯,
四個大人一個BB食咁多碟餸,
最後有一大袋拎走.

****************************************

食完晚飯, 大少過幾個鐘頭又有飯局,
食剩咗D燒雞同小小肥牛返來(打邊爐叫燒雞食!)
成個雪櫃都係隔夜餸, 我一條友邊度食得咁多喎.
星期一朝早雖然要返醫院覆診,
不過依然有煮午飯.
就咁蒜蓉炒椰菜再順便兜返熱D雞...
反正D雞皮隔咗夜都唔脆咯,
索性搣晒皮先煮, 費事成碟菜油淋淋(至憎!)

火鍋料嘅肥牛就連埋半個洋蔥用馬拉盞炒.


呢餐又係食麵,
大少食芝麻麵, 我同兔寶寶食拉麵.

同場加映,
睇睇吓Barney瞓著嘅兔寶寶,
好似老人家...