澳洲牛奶公司

3月3日  星期六  陰天

前兩日兔寶寶舅父放工嚟咗探BB,
順便玩"交換禮物".
舅父要趕住下埸去灣仔演藝睇劇,
時間不多之下就去澳洲牛奶公司醫肚.
一坐底, 兔寶寶好似驚跌咁,
搵手撐實.

落完order, 唔洗三秒D食物已到,
趕時間真係一流.
舅父叫快餐, 定係常餐呢?!
是但啦, 都係差唔多姐...
跟餐有叉燒意粉...

火腿炒蛋加多士...

好多人都話澳牛D炒蛋好食,
我就唔覺得囉, 我覺得我整果D就算無佢咁好食,
都一定整得健康過佢...
大家有無睇上個禮拜果集<MAY姐有請>呀?!
個廚師咪示範整龍蝦炒蛋嘅...
個鑊入面果兜油多到真係嚇死人,
梗係炒得滑啦!!
呀曾華倩見到都好似面有難色咁,
剩係敢夾D龍蝦肉嚟食咋!!

扯遠咗添~~ 跟餐仲有杯凍奶茶,
好細杯架咋!!

因為我晏晝食咗烤全魚唔太肚餓,
所以淨係叫咗碗熱燉奶食...


滑就真係好滑呀!! 不過可唔可以少甜呀!!


兔寶寶: 媽咪唔醒水, 要舅父提先記得餵我,
             早D餵我咪唔會咁嘅樣囉~

兔寶寶: 我無mood呀, 你仲影?!
        

兔寶寶: 無份食, 早知我自己留响屋企玩啦, 仲開心~



兔寶寶:不過我左閃右避咁, 媽咪都好難影到我架喇!!