去九龍城食宵夜

3月6日  星期二  晴天

兔寶寶: 大家好! 又係我同Daddy放假D相呀!!


星期日晚, 大少帶咗我地去九龍城食宵夜.
呢間路邊雞飯店, 宵夜時段有特價, 好抵食架!
好似呢個滑蛋牛肉, 廿八蚊only!!

豉油王炒麵, 好夠鑊氣,
即叫即炒, 最鍾意佢多韮王多芽菜,
一定靚過好多粥鋪,
都係賣18蚊...

兔寶寶: 有無我份食呀??

檸檬蒸烏頭, 响街市買條烏頭都25蚊啦,
呢度整埋俾你食都係四十八蚊,
好大條架, 仲好好味添!俾兔寶寶食咗幾啖先記得影相!

呢碟琵琶豆腐, 雖然無特價,
都係賣四十八蚊.

咁平梗係唔可以要求佢環境好好喇,
個地下濕笛笛廁所又細;
次次嚟都見到老細同佢D朋友坐响度飲紅酒玩紙牌,
D伙計都好似唔憂做咁;
不過佢都有BB櫈俾兔寶寶坐.
睇下兔寶寶幾開心, 同大少幾friend!

宵夜時段唔收加一茶錢,
埋單百四蚊咋!!