2014元旦放假日

1月4日  星期六  晴天

星期三元旦天, 大少剛巧放假, 

帶了兩個小朋友去附近公園玩.

自從哥哥嚟咗之後, 

大少帶小朋友去玩嘅次數反而密咗, 

等我有D時間在家休息下,

呢樣野幾抵讚.

兩小無猜形影不離就梗架啦, 

呢日兩人坐低私私細語, 

就更加似在談心了.

估吓佢地講乜?

大少拍咗條片, 

原來哥哥仔要氹兔寶寶打開手袋, 

睇下入面仲有幾粒糖剩!

又叫 呀B張開口, 

睇吓口入面粒糖溶化未!

聽吓小朋友講野, 有時真係幾攪笑.

呢日大少仲幫兔寶寶影咗好多大頭相...

呀妹, 你睥住邊個?!

响公園玩完一大輪,

我就落樓JOIN埋佢地, 

同埋哥哥仔嘅爸爸一齊去飲茶.

而家定咗逢星期三大少放假呢日, 

哥哥仔都會被接走, 

到第二天才再回來.

飲完茶,

大少表演左擁右抱.

跟住兔寶寶就要同哥哥仔分道揚鑣...一日咁多啦~

我地就响銅鑼灣四圍行, 

順便攪返我部手機嘅自動轉帳.

大少一入電話鋪就有排八, 

我地兩母女就自拍自娛...

行入時代廣場借廁所又影吓相...

一月一日條街實在太多自由行, 

行咗一陣就走返屋企沖涼 + 準備兔寶寶晚餐.

夜晚又係食潮燒..

 就呀B唔多食街外野, 

响屋企煮咗大大碗飯佢食,

所以佢只係食咗兩條多春魚.

仲有就係食布甸喇~

食完野無事好做, 

當然要攪吓事啦~~

今次仲唔証據確鑿?!