今朝好早就醒咗, 瞓唔著...
係咪尋日唱K嘈住兔寶寶瞓呢? 今朝我個肚好似好實咁....平時要特登去感覺兔寶寶郁, 今日肉眼都睇到個肚皮郁嫁~
大少今日要去葵芳先返工, 我就跟埋去, 行吓葵芳新都會廣場同埋葵涌廣場...以前細個讀中學果時, 成日都同阿媽申請考完試同同學仔去葵芳行街街嫁~
係呀, 襯而家行得就要行多D, 第二時兔寶寶出咗世, 想安安靜靜, 舒舒服服咁行街就難lu...
先去"好好"食野, 叫咗一個鯪魚球肉丸粥 + 糯米雞下午茶餐, 加多一杯凍咖啡俾大少飲, 諗住一個餐兩份食....之後大少見到果度D雲吞攞過至尊金奬, 於是叫多個淨雲吞食....又唔記得影相.....
之後同大少去雞仔嘜, 買咗幾件衫....有特價呀~
紅色果兩件賣$118(2件呀), 得返紅色一個顏色! 白色同灰色賣$69一件, 全部V領大少啱晒大少心水呀~
大少會當T恤咁著嫁...Ｄ質地著嚟做ｇｙｍ都好舒服。。。
本來諗住大少返咗工之後我留响葵芳慢慢行....但去到葵芳個天好似想落雨咁, 大少話車埋我返屋企先開工呀! 佢可能怕我拒絕(我怕阻佢做野同浪費油錢), 就話如果放低我一個搭地鐵返屋企, 上天會懲罰佢無生意tim~
咁要快D去行葵涌廣場了...仲諗住响新都會間百佳買埋餸先返屋企, 都唔夠時間....買咗套睡衣:
四十九蚊, 係大少覺得靚, 坦白講我唔覺囉....不過見D質地都幾舒服, 咁睡衣都係得佢睇嫁姐....所以都買咗呢套, 而無買果套我鍾意嘅........
仲買咗兩條低腰底底, 大住個肚都著得.....
仲有買去葵涌廣場一定會買嘅零食:
今次買小魚乾同菠蘿乾, 我仲响人地鋪頭食咗D涼果, 由細到大去親呢D賣零食又有得試食嘅鋪頭我都會好開心.....隔離包芝士麵包條係响美心買, 之前行過幾次都賣晒....
行吓睇吓, 夠鐘大少就車咗我返屋企了...雖然只不過係响葵芳行咗個圈, 但係我都好開心呢!
沒有留言:
張貼留言