上個禮拜磨咗D芝麻整蛋糕,
大少食過後話有沙唔肯食;
我試咗少少又唔多覺,
仲以為奄尖大少又响度雞蛋裡挑骨頭.
佢唔食我都要執佢手尾架!
(平時焗D蛋糕我無乜點食架!!)
食真D真係有沙喎!
有blog友提點包裝芝麻係有沙架!!
可能我洗得唔乾淨掛?!
果日我一磨就磨咗成包芝麻,
諗住磨一樽芝麻粉擺响屋企"吊起手"都有得用.
咁即係果樽芝麻粉有沙啦!!
於是諗諗計用鬼咗佢!
結果我尋晚又企咗成個鐘頭整豆漿!!
過濾過咪唔怕D芝麻有沙囉!!
浸豆時先發現黃豆嘅存貨原來唔夠一杯!
本來可以整少D嘅,
但咁啱俾我發現屋企有綠豆,
又咁啱我上網搵食譜時俾我睇到有人話芝麻綠豆豆漿可以美白減肥..
其實佢講果D應該係綠豆粉而唔係一粒粒嘅綠豆,
但反正大家都係豆, 唔會食壞人掛??
最多加D薑落去, 咁咪無咁寒涼囉!!
今次煲豆漿我終於體現到豆漿真係好易滾瀉嘅,
只係蓋上蓋子去咗洗個面就煲瀉咗!
幸好我係用電磁爐, 都好容易清理姐...
個幾鐘頭後得豆漿兩大枝...
除咗淨飲,
仲可以整芝麻豆漿麥皮做早餐....
又整咗芝麻豆漿湯圓....
加多份焗到甩皮甩骨嘅魚柳
,
呢份就係我同大少嘅午餐喇!!
天氣凍, 大家要著多件衫呀!!
沒有留言:
張貼留言