尋日响雀后度見到佢整蔥油餅做宵夜,
賣相好吸引呀!!
咁啱屋企有齊材料,
就打算等晚上開工!!
兔寶寶係咪知道自己無份食,
特登响度玩野呢??
尋晚佢到十二點幾都唔願瞓,
好似日頭偷飲咗咖啡咁精神!
好彩我問咗雀后,
可以先一日整好咗個餅先,
用保鮮紙一個個隔開放入雪櫃，
留返第二日先煎!!
過程都係抄雀后,
不過我屋企人少,
只係做咗一半份量.
材料:
100克麵粉,
75克大滾水,
蔥3條,
鹽半茶匙,
油半湯匙
做法:
將中筋粉和熱水用筷子拌勻，然後用手搓粉糰至光滑，
將粉糰放入搽咗少少油嘅盆中，用濕毛巾蓋著等30分鐘，
取出搽少少粉係枱面，用木棍將粉糰盡量壓平(圖1)，
跟著反轉粉皮，搽油係粉皮面，平均灑上鹽和蔥粒(圖2)，
(留一條邊唔使灑蔥粒)，將有蔥粒的一邊慢慢卷起成長條型(圖3)，
然後平均分成8份(圖4)，將頭尾封口後，
將封口位放在掌心壓平，用木棍將粉糰壓成薄餅(圖5)；
燒熱易潔鑊落油放入蔥油餅煎至兩面金色便成。
詳細圖文: 蔥油餅by 雀后
***********************************************************************
加多兩條腸仔, 就係大少今日嘅早餐 + 午餐.
大少開頭話兩個燒餅(佢一望就叫呢D做燒餅)太多啱啱起身食唔晒,
又呢又路咁, 轉個頭少少餅碎都無剩呀!!
我果份就無加腸仔,
不過就加咗芝士,
整到好似pita bread咁,
雖然不論不類, 但我鍾意呀!!
芝士加蔥油嘅香, 正呀!!
仲配埋前日整嘅豆漿!!
不過兩個蔥油餅對我來講係唔夠飽嘅,
下次要整返多D先得!!
沒有留言:
張貼留言