冰糖煮粟子

11月13日  星期日 晴天

而家秋天, 街市好多檔口都有粟子賣呀!!
有D成粒賣, 有D去咗殼剩返個皮,
又有D連埋皮都剝埋, 淨肉咁賣.
我就响生果檔買咗D有皮嘅返來,
一磅都係12蚊咋!!

買咗先知原來一磅有好多粒,
大少又唔係好食呢D澱粉質豐富嘅食物,
未有主意整乜之前,
首先玩吓剝皮....

將D栗子用熱水滾一陣,
襯熱用毛巾"卒"D皮就好易甩架喇!!
我係幾粒幾粒撈起咁卒,
未卒果D就留返响熱水度.

跟住我諗住焗熟佢就算喇!
又怕D栗子太硬, 於是用少少水烚佢一陣先至再焗...
加D冰糖落去等佢甜D;
我又忽然諗起以前食過D糖漬栗子,
索性煮到佢諗就算.
加多少少冰糖,
等佢煮起好似有D糖水掛响面咁,
連焗爐都懶得開!

*******************************************

同埸加影, 好睇唔好食嘅午餐一份.
牛扒好多筋,
益咗樓下隻"呀財".