焦糖脆脆?!

2011年11月19日下午4:12

大家有無食過美心嘅焦糖脆脆天使蛋糕呢??
鬆軟嘅蛋糕配埋脆脆焦糖真係幾好食架!!

响網上見到有唔少人都跟住嚟整,
好多人都話個焦糖脆脆好難整...
我自己知自己事,
以我嘅功力點可能一take過就整得到吖,
所以尋晚就淨係整D脆脆...

上次响"宜家"買果套百幾蚊嘅煲,
其中一個長柄煲就係用嚟煮焦糖用架喇!!
人地叫焦糖脆脆,
但係我整嘅並唔"焦",
因為煮糖時好怕佢燶,
响佢仲係淺黃色時就離火,
到加梳打粉時又唔夠快手,
成品並無好多窿窿响度.


咬落雖然係脆,
但一定唔係美心果D質地..
而且只係得好淡嘅焦糖味...

好彩整呢個脆脆所需嘅成本同埋時間都唔多,
支粟膠有成700克,

我晚晚都花十分鐘時間整吓,
總有一日我會整到好似美心咁掛??!!

兔寶寶: 有志者事竟成呀, 媽咪! 希望你快D整到, 唔好嘥晒D糖啦!!