兔寶寶一開始食固體食物,
由初初唔太肯食, 到肯食少少糊仔,
整整吓又唔食...
粥仔唔食, 香蕉唔食, 蘋果唔食,
我餵唔食, 呀婆餵都唔食;
仲要好硬頸果隻,
寧願捱餓等食奶奶, 都唔肯將食物吞落肚,
令我好困擾.
尋晚我煮烚咗D蔬菜食,
當中有兩片南瓜,
我見反正無落調味料,
俾咗少少兔寶寶食.
可能佢知道下個星期一係Halloween掛?!
佢又肯食喎~
食吓食吓將本來屬於我嘅兩片南瓜都食晒落肚...
我無影相呀,
我怕佢以為我同佢玩呀!!
果兩片只係烚熟咗嘅南瓜,
我無將佢壓成蓉,
只係逐小逐小挑D俾佢食,
佢食得幾好喎, 至少唔會"BU"返出來,
又唔會食到四圍都係.
我估係因為無溝奶/水, 所以無得俾佢"BU",
同埋我無用果D餵食專用嘅口水肩,
反而仲好, 因為佢唔會掛住攪/LAM塊口水肩!!
今日我又再試吓開D杰D嘅糊仔俾佢,
又係唔用口水肩, 佢都食到三份一碗,
不過之後俾水佢飲嘅時候佢又開始"BU"喇!!
同埋呢, 兔寶寶好似鍾意糊仔多D,
可能因為糊仔係用返人奶嚟開, 佢食慣咗果種味掛?!
真係要出多兩分力培養佢飲水呀!!
沒有留言:
張貼留言