尋日大少放假, 下午我地帶咗兔寶寶去診所打埋乙型流感第三針...
响果度見到有兩兄弟, 大B嵗半, size同兔寶寶差不多, 食奶粉大;
細B五個半月, 重22磅, 食全母乳....
媽媽話醫生要細B減肥呢!
兩兄弟拍埋, 單睇size好似角色掉換啱D喎!
現實生活中好多人奶B都係肥嘟嘟呢!
打完針, 去尖東行一陣, 等六點唱卡拉OK.
這是兔寶寶第二次去卡拉OK呢!!
上一次, 我地全程無唱過歌,
淨係食野同較到好細聲聽兒歌,
大家都覺得幾無癮,
所以有一排無再去.
今次兔寶寶大個小小,
開始對四周事物八八掛掛,
媽咪係時候要帶佢出去見識見識喇!!
(兩隻大唔透自己想玩就夾硬拖埋兔寶寶落水...)
一入房, 四圍望清環境先...
我覺得卡拉OK幾適合兩口子帶埋人奶B去架喎~
(當然唔係話一大班人去啦,
因為音響唔較得大聲,
費時要其他人就晒我地, 令大家無癮啦!!)
一開頭去食K buffet,
就好似平時去酒樓食飯咁,
我地又可以一路食一路撩下兔寶寶.
只要俾BB坐嘅位置唔係直接望到電視機,
基本上都唔會對BB眼睛有影響.
中途又可以餵吓奶, 唔怕俾人望住.
到唱K時間~ 有人搶咪喎~~
唱K都係一個好好嘅親子活動,
只要一個抱住佢唱,
另一個撩吓佢,佢都當你地同佢玩!
當然啦, 有個BB就唔係好似以前咁玩得咁放,
但BB呢個年齡, 你帶佢去遊樂埸佢又未識玩,
兩個大人放假唔想齋食飯咁悶,
卡拉OK係一個不錯嘅選擇呢!
大合照時間!
有人唔係好合作!
表情唔係好滿意, 好似投訴我地阻住佢唱歌喎!!
沒有留言:
張貼留言