破壞之王

10月24日  星期一  晴天

我家有個小天使...

你睇佢笑到....
我做母親嘅就緊係覺得自己個女係好可愛架啦...
但係呢個小天使, 呢排就化身成為破壞王...

我愈來愈覺得真係唔洗買玩具俾咁細個BB玩(牙膠除外),
因為我覺得佢地對D度身為BB而做嘅玩具都不太感興趣,
玩兩玩就丟下唔再玩!
反而佢地對有按鍵的東西很好奇,
例如電腦, 電話, 搖控等等...
(兔寶寶最大同最好玩嘅玩具, 唔洗審, 一定係我!!)

好早期開始我就發覺佢對我部電腦同電話特別有興趣,
只係當時佢坐都未坐得直, 無能力同我爭!
而家呢, 兔寶寶都想同我一齊打字掛?!
成日"中"前去我部notebook度!!
(通常佢坐我左面, 而我右面放咗部notebook, 咁我可以一路湊佢, 一路上網)

如果响屋企, 基本上兔寶寶想觸摸嘅野我都會俾佢摸,
當然有危險同太污糟嘅野除外!
最多咪洗手囉! 兩個月前兔寶寶已經知道有洗手呢個動作!!
每日兔寶寶都要掂吓個keyboard先安樂,
Sorry, 應該話拍吓佢先安樂!
今日, 見佢用手指一排咁捽D key, 終於攪成咁:

呢排佢仲想做埋人肉碎紙機添!
佢已經撕爛咗我兩本書了.
為咗影低佢嘅罪証, 唯有犠牲上期本<忽然一週>了...
起初, 似模似樣咁揭書...仲以為佢咁好學添!
原來係掩飾佢想撕D紙嚟LAM!!

 

响條片入面我好似大蝦細咁"恰"呀兔寶寶,
無計啦要同佢鬥快搶返D紙,
唔係佢就塞入口架喇!!
兔寶寶撕紙入口試味行動失敗, 開始發老脾喇!!

個戰場事後真係屍骸遍野呀~~