兔寶寶兩個月大LU!!

6月15日  星期三  雨天

先兩日有單新聞, 話有一個只得37日大嘅BB被佢呀媽瞓瞓吓覺壓死咗. 睇完我除咗個心好UP之外, 亦都好驚. 因為呢排我都係同兔寶寶一齊瞓, 直至大少放工返嚟先抱佢出BB床.

其實好多時我瞓嘅時候兔寶寶已經瞓咗, 抱佢入房同我瞓純粹係等我安心D, 唔洗我瞓瞓吓又GUT起身睇佢; 同埋佢半夜起身見到我瞓响隔離又唔會喊. 大少仲話而家兔寶寶可以治到我唔洗再做夜鬼tim! 不過呢單意外後, 我尋晚就再次嘗試自己瞓了.....

兔寶寶: 做乜我今晚會瞓响BB床嫁?!

兔寶寶: 媽咪都唔知攪乜, 一時又要我陪佢瞓, 一時又要我自己瞓....

兔寶寶: 媽咪對唔住呀~ 我唔應該話你嫁!!

兩個月大嘅兔寶寶, 好明顯認得我, 眼光會隨我走...有時大少抱佢佢會依然喊, 係要我抱先得...
HeeHee...所以BB係知道邊個同佢friend D嫁!!

而佢宜家好鍾意玩掛响床嘅玩具, 搵隻手fing去整D聲出嚟, 好得意嫁!! 所以我日頭湊佢可以話更加舒服. 呢個蜜月期我會好好珍惜, 遲D佢識爬嘅時候我有排唔得閒!

**********************************************************************