母親節吃素@證覺精舍

5月11日  星期日  大雨天

星期五晚上為嫲嫲集齊人提早慶祝母親節, 

去了北角食雞煲, 

                                     人多就無影相.

今日正日, 

約了我媽和舅父去佛堂吃齋拜佛.

和大少早到, 

帶兔寶寶到Snoopy Land遊個圈, 

可惜因天雨關係內部無開放.

唔係想篤住塊面扮cute,

而係呀B學校教影相就要咁笑喎~

假係假咗D, 

可以令兔寶寶無咁抗拒影相,

總好過佢影親都拎歪面或者故意採礦嘅...

見到呀婆, 即刻送上假花一小扎...

呀婆又從屯門買多把遮仔作為交換禮物.

一紥假花係cheap咗D, 

但有D人恨極都恨唔到.

坐火車時任我點"哎", 

呀B摸都唔俾我摸紥花一下!

吃不到的葡萄是酸的, 

本人認為兔小姐係一早知憑紥花可以換領雨傘一把!

 ***************

今日一時黃雨一時黑雨, 

幸好天公造美, 

往返佛堂之旅, 係全程無下過雨的.

否則上落山嘅路, 就無咁好玩了~

到達佛堂時, 

其他信眾已開飯了.

不過我們要先做正經野, 

才等尾圍吃飯.

佛堂有三隻狗, 等呀婆祈福時, 

兩甥舅在旁玩狗...

開飯了!

有飯有湯有絕對足夠的餸菜,

簡單無半點花巧, 

好食有益, 不帶半點商業味道.

 

吃到最後有糖水, 是准山福果煲雪耳;

也有自家製無餡又不太甜的蒝荽餅;

還有一人一個蘋果.

吃飽兔寶寶想請小狗吃提子.

這小狗體形雖小, 但年紀不少了, 

一隻眼有白內障.

這無損牠對人類的友善, 任人摸.

一副處之泰然的樣子.

大黃狗也一樣友善...

這樣大的一條狗, 我已經不敢走近了.

去完佛堂大少上班去, 

而我們就繼續母親節的節目!