華星冰室吃午餐

11月6日  星期二  晴天

星期六呢一日, 我地去咗華星冰室食午餐呀!
未去之前, 已經知呢間擺明係抄澳洲牛奶公司架喇!



呢度比"澳牛"多D花款,  同埋呢, 員工無咁趕忙,
態度仲友善D, 有兩個伙計仲係咁撩兔寶寶玩,
可能我地係星期六下午差不多三點去,
佢地較為得閒吧! 不過都坐滿晒人架~

大少要常餐, 有叉燒通粉,
好似見人轉牛肉都得, 下次又試下轉先..

炒蛋加火腿, 仲有牛油厚多士,
塊多士我吃咗一塊, 幾好食,
但都不及炒蛋好吃, 連平時唔食炒蛋的兔寶寶都肯食...

跟餐仲有野飲, 大少要凍咖啡.

我就要咗校長多士, 呢個本來話要三點後先有,
我地坐底落order果陣都未夠三點,
伙計可能見唔係人多(至少未見人龍), 佢都肯做俾我.
黑色果D, 食落好似欖菜咁, 佢話係黑松露醬喎~

賣廿五蚊雞, 我就唔多信係黑松露喇~
不過佢連埋D芝士焗, 加上下面塊厚多士脆卜卜,
又真係幾好食嘅, 當佢pizza咁食都幾好.
牆上有張poster話, 呢份"校長多", 就好似譚校長咁,
年年都係廿五(蚊)喎!
家吓通漲咁勁, 我過多幾年吃, 咪好抵?!

咪住先, 掉返轉頭諗,
咁我宜家吃, 咪做咗on居仔??



好彩我唔係讀經濟，唔諗ＬＵ食咗先～
見menu中奶醬多只係賣七蚊, 唔抵得又叫一份...
七蚊雞, 超足醬料, 仲要係厚多添!
好抵呀!

大少話Ｄ煉奶好似寫咗個＂福＂字喎！