打晒針喇~

11月7日  星期三  晴天

剛剛過去嘅星期一, 兔寶寶去診所打埋最後一支針,
個姑娘話BB叫做第一次畢業喇~
下次再要打加強劑嘅針藥,
都會係响學校打, 唔洗再返診所LU~


不過咁, 由於兔寶寶上次打完第一次水豆疫苗之後,
都係無出過一粒水豆;
如果响六嵗之前都無出過一次的話, 就要再返去診所打多一支加強劑,
因為水豆針政府係唔包架!

呢排忙於執屋, 忘了記下兔寶寶响臨搬屋前一日,
返咗健康院做嵗半評估.
姑娘要BB渣住支筆塗鴉, 兔寶寶唔肯喎!
跟住要BB將三塊積木砌高啦, 兔寶寶又唔願意...
要佢叫人啦...佢就掛住講BB話~~
不過最後呢個姑娘都俾兔寶寶pass喎,
仲同我講唔覺得呀B有任何問題....
所以呢, 我超懷疑呢位姑娘....之前俾兔寶寶用兩粒糖仔收買咗呀!!!

呢個兔寶寶, 最近百厭咗好多,
行路唔俾人拖住, 仲呀賓叫狗, 愈叫愈走~
最鍾意一支箭咁走咗入人地鋪頭度不突止,
仲專係行埋去cashier位, 撩鋪頭D姐姐仔玩呀!
唔俾佢行入去, 佢就即刻軟皮蛇, 蹲低唔行...

呢一日兔寶寶發現咗一個膠櫃桶仔,
即刻拉開來玩吓, 之後成個人坐入去,
然後爬出爬入咁...

睇見呢張相....我想貼返張告示...

"嚴禁在此處小便"呀!!!