Loving Hut二人團購素食餐

8月14日  星期三  晴天

續: 週日深水灣。煎豬扒
返屋企沖好晒涼, 洗落機衫,
我地就去食晚飯喇!
係响LOVING HUT食二人團購餐!
其實, 如果唔係我地個個游咗水,
果份二人餐係夠三個人食架!
第一盤食物, 二人餐包嘅飲品係花茶或豆漿,
就每樣要一杯;
素湯兩碗, 中間兩盒沙律是另購的.


今次個素湯雖然清清地, 但都好多料.

另購的沙律, 一盒係荀絲沙律,
味道較濃, 好啱胃口.
細細盒, 十蚊雞.

另一盒係牛蒡絲沙律, 呢個味道較清,
又係十蚊.

兔寶寶以為D牛蒡絲係麵麵...

跟餐有兩個小菜, 揀咗素叉燒,
黑色果兜黑芝麻汁很香, 好味...

另一碟要了西蘭花鮮茄素扒.
素扒是大豆纖維做的, 很似肉.

跟兩碗紅麴米飯.

還不夠飽?!
都是跟二人餐, 可以揀一種粉麵.
選了干炒三絲麵.
正常一個人吃下一碟都飽了, 所以我說這二人餐,
份量很多.

兔寶寶見我影佢相, 就放下飯碗抗議~

我地游咗水很肚餓, 加上係大食人仕,
以上食物不夠三個大人加一個BB吃,
再叫多兩個晚餐.
今次由舅父拍板, 叫了個九層塔茄子.

還有薑汁蠔油G卷.



兩個散叫小菜都跟紅麴飯、少許蔬菜和素湯.

最後, 還有甜品,
是隨團購餐附送的, 真抵吃!
選了藍梅素雪糕和提拉米穌.
估不到無奶的素雪糕很好吃, 很滑, 比一般雪糕還要滑.
相對地提拉米穌就比較清淡, 像吃豆腐.

兔寶寶當然識揀啦, 拿著素雪糕的碗仔不放~

好滋味呀~

吃完雪糕就走人, 店員撩下兔寶寶,
要佢講拜拜.
到我們出了門口還追落樓梯, 請兔寶寶吃兩小包素雜豆小吃.
很友善..可惜呢, 租金貴吧,
灣仔這間LOVING HUT做到本月廿五号就要搬遷了,
目前還不知道搬去哪裡呢?!
希望它快點重開吧!