週三雜記

9月11日 星期三  晴天

近呢幾日都是忙著報幼稚園,

無得讀N班嘅日子, 

唯有報多些幼兒課程讀住先..

唔係要兔寶寶學到D乜, 

但求佢同多D接觸小朋友.

以佢慢熱嘅性格, 單單去公園是不夠的.

紅和藍之間, 兔寶寶選了藍色車車,

無他, 因為藍色呢架多咗"B BU B BU"呢盞燈吧了~

*******************************

呢排多咗煮午餐, 少咗落街食.

大少食得比我們晏, 

常常求其淥個麵煮條菜就算...

即使係炒呢個西芹蜆肉麵, 都只係花五分鐘...

**************************

上星期不停落雨, 

兔寶寶的新雨衣派上用場.

以後下雨去街也不太狼狽了.

這好像是一件瘦身雨衣, 

穿上後的兔寶寶細粒了不少...

**************************

女大十八變, 兔寶寶現在很喜歡"蛋", 

不論是吃得的水炒蛋烚蛋還是不能吃的扭蛋出奇蛋玩具蛋...

Anyway, 將來考試千萬不要捧蛋就是了~

************************

前文說過, 大概買錯黑米來整黑糯米, 

為免剩餘的半包黑米篤眼篤鼻, 

前兩天再次煮了, 今次加了眉豆和白米.

加上椰汁, 兔寶寶很愛吃.