放假一天自家煮

5月10日  星期六  雨天

 

週三大少放假, 

照例瞓到黃朝百晏先起身.

我和兔寶寶吃完早餐, 

襯早上沒有下雨, 就出外走走~

兔寶寶出門口就拎了我對新鞋著, 

幸好對鞋不是粉紅色, 

否則都幾難拎得返~

行咗幾乎半個銅鑼灣就下雨了, 

 去到街市附近雨勢仲幾大, 

不得不停低避避...

待雨勢稍緩時再慢慢步行回家.

一面行兔寶寶一面嚷著要"比卡浮", 

也許只有我, 

才聽得出佢係叫我 Be careful!!!

一直落大雨都無乜地方去, 

係黃昏時約了人和大少出去傾計.

傾到過晒煮飯時間, 但食物已洗切好, 

也就盡快趕回家煮飯.

蠔油雲耳炆雞.

白灼菜心, 

反正大少都唔多食, 

唔就佢, 照平時咁走油鹽.

上次整水煮雜錦食剩D最後才下煱、唔太入味的蒟蒻, 

加了一包魚蛋再煮.

今次落埋包花椒辣椒乾, 

我只能幫忙吃半粒魚蛋,

其餘大少吃清光.

還有鹽焗黃花魚, 

忘了影打開錫箔紙後的樣貌.

無煮飯, 

煮咗包呀信屋賣果D即食通粉.

好似好多野食咁...

但兔寶寶幾乎吃光了三隻小雞鎚, 

大少又話佢係唔鍾意食通粉的...

還好焗黃花魚後襯焗爐仲熱, 

順便焗埋包三文魚骨, 

本來是打算拆肉留給兔寶寶第二天吃的.

當晚也要拿出來給大少填肚.

 

結果, 

那晚我獨啃了大半兜通粉和菜, 

撐飽了.