12月13日 星期四 晴天
今日我地食咗一餐算係好豐富嘅午餐!
有南乳焗雞脾...
覺唔覺得D雞有少少甩皮呢?
因為我洗雞脾時手痕又剪走咗些少!
雞脾平過全雞好多,
而且容易處理, 所以宜家我都成日買來整呢!
我用咗三粒南乳(好細粒, 只係大粒過腐乳少少, 唔係大大磚果D), 加大量糖同少少鹽加豉油,
將雞脾界幾刀之後醃佢兩日...
平時整南乳燒雞都係咁醃架喇;
不過今次我唔用密實盒, 從blog友到學用保鮮袋來裝住D雞脾,
咁樣醬汁會更均勻咁滲入肉類裡面(醃一日之後底面反轉佢來放仲好)
用保鮮袋真係更入味呢...
從IKEA買的保鮮袋又平又好用, 唔一定要用"黃加藍"嘅...
今日我地食咗一餐算係好豐富嘅午餐!
有南乳焗雞脾...
覺唔覺得D雞有少少甩皮呢?
因為我洗雞脾時手痕又剪走咗些少!
雞脾平過全雞好多,
而且容易處理, 所以宜家我都成日買來整呢!
我用咗三粒南乳(好細粒, 只係大粒過腐乳少少, 唔係大大磚果D), 加大量糖同少少鹽加豉油,
將雞脾界幾刀之後醃佢兩日...
平時整南乳燒雞都係咁醃架喇;
不過今次我唔用密實盒, 從blog友到學用保鮮袋來裝住D雞脾,
咁樣醬汁會更均勻咁滲入肉類裡面(醃一日之後底面反轉佢來放仲好)
用保鮮袋真係更入味呢...
從IKEA買的保鮮袋又平又好用, 唔一定要用"黃加藍"嘅...
不用預熱焗爐, 焗盤鋪兩層鍚紙;
雞皮果面向底先,
220度焗25分鐘後反轉佢再焗20分鐘, 食得!
D油焗晒出來, 雞皮都係脆卜卜架~
仲有一碟金菇本菇煮娃娃菜, 有隻黃椒又切埋落去...
未夠豐富呀, 加埋兩大塊蠔油炆花膠,
兔寶寶唔食, 我同大少一人一塊呀!
D花膠我尋日炆定架!
炆嘅時候加多兩大粒乾瑤柱,
用來煮菜!
事緣上次我病咗, 由大少霸咗個廚房做主場果兩日,
佢就不停摷我個廚櫃...(連廚房都要八吓有乜嘅男人真係少見...)
摷到D海味, 佢就質問我做乜從來無整過俾佢食,
又恐嚇我話唔整就會過期等...
吓, 乜D海味唔係可以放好耐架咩,
放到發毛就話姐, 點會過期架?
你想食我咪整囉~~
指住呢兩舊野...
係焗雞時放响爐底一齊焗嘅蕃薯呀!
大少話兔寶寶食蕃薯嘅速度仲快過佢喎!
沒有留言:
張貼留言