再戰蝦餅

2012年4月27日下午12:06

4月27日  星期五  陰天

經歷過上次整蝦餅變成整蝦鬆,
我心入面成日都想著要再整一次,
堅信自己只要上網睇吓人地點整, 而唔係打天才波,
一定會整得好的.

不過我又打敗仗了!
睇相賣相都唔差架!
不過一夾就散, 完全唔似係食緊蝦膠,
唔好講話彈牙了.

我仲要跟足其他人嘅指示,
唔將D蝦啄到爛晒, 保留少少蝦粒,
赤手又攪又撻至起膠.
係咪我攪打嘅時間太短呢?
D蝦明明起咗膠咁架啵!
仰或我落得太少生粉呢?
呢一盒仔份量我加咗一茶匙多DD生粉.
因為我見人地用一斤蝦去整都係落兩茶匙,
我買一份份果D蝦應該係得半斤左右, 咁咪落一茶匙囉!

造型落油鑊煎都無乜問題,

一反就已經散咗一件了...

煎緊嘅時候已經知道失敗咗,
小心翼翼咁剷起四件,
大力小小都會散. ..

蝦腸挑得唔係咁乾淨,
想話整好少少先影相, 又散多件...

結果大少响我監督之下食咗兩件,
同我講話好飽...
以大少嘅食量, 兩塊比五蚊銀大少少嘅蝦餅都唔夠佢隙牙罅啦!
佢話呢D蝦餅太濃味喎!
我食完都覺得係太濃味...
唔知點講, 照計好濃蝦味應該好好食嘛,
但我自己都唔覺得唔計個texture都唔好味囉!
係咪我用錯蝦呀?!


*******************************************

兔寶寶: 好彩媽咪無質我食咋!!