是日午餐: 鰤奄炒蛋 、煎蝦餅

2012年5月5日下午4:55

以前返大陸食飯, 好鍾意食灼鰤奄.
响大陸食呢D貝殼類有一定危險性,
我地呢D百毒不侵嘅就食咗先講,
最多叫人灼熟D.
鰤奄嘅解甜真係令人好難忘懷,
我一吃就愛上, 覺得比蜆同聖子更好吃!

從來未响香港吃過鰤奄, 亦都唔係好多地方有得賣.
我想是其鮮紅色嘅肉同汁液很嚇怕人吧!
昨日見街市有得賣, 10蚊斤, 即刻買兩斤.


買返來用牙刷洗乾淨, 你見個殼刷完都係黑,
其實我已經好大力遂隻遂隻刷, 又開大水喉沖.
記憶中响大陸食果D殼係幾白吓的.
我就唔信上面D人會好似我咁有心機遂隻刷囉!
即時聯想到佢地唔知用乜野化學野"毑"到D貝殼白雪雪....

洗完一大輪, 再養多一陣等佢吐沙....
雖然賣俾我果個人話"呢D無沙!"姐,
我就唔多信, 自己食, 整乾淨D好.
開殼嘅時候發現佢D顏色無大陸果D咁鮮紅,
可能我灼耐咗掛?!
試吃一粒, 都很鮮甜, 很難形容有幾好吃...

兩斤鰤奄, 去殼後得來一盒仔肉...

將之炒蛋...

炒蛋用易潔鑊無加油,
快手炒, 炒至蛋還未完全凝固時即熄火繼續炒,
效果不比加油差,
一樣很滑...

鰤奄外表核核突突, 如果你接受佢很醜,
人生就會多一樣美食了.

除此之外, 煎多幾塊蝦餅...
現成野, 大少梗係唔會食兩塊之後話飽啦!

現成蝦餅購自百佳,
我覺得同牌子嘅蓮藕煎肉餅好吃多了...
蝦餅, 還是等我下次再挑戰自家製吧!