我地做咗一件唔係好襯今日天陰陰嘅天氣嘅事,
就係同兔寶寶買泳衣同水泡!
買咗一套超sexy嘅bikini俾佢,
未落水已經涼晒!!
前兩日整咗鹵水雞, 剩返D鹵水汁,
又再鹵過.
反正大少好鍾意食鹵水,
佢生日問佢想食乜, 都係會話去潮州打令食鹵水!
佢要求過我好多次我整鹵水豬脷俾佢食,
我好怕刮果層白色嘅脷苔, 好核突!
不過大少咁想吃, 我就整一次啦!
刮完層脷苔洗兩次手我都仲聞到陣豬肉嘅燥味,
好彩大少唔係"恨"食豬肚同豬大腸!
開火滾熄火焗咗幾次, 直至D豬脷夠淋.
又買多六件油豆腐同兩隻蛋一齊鹵,
上次大少要求我整到D豆腐有一個個窿窿,
佢覺得咁入味D喎!
其實我就鍾意好似上次咁無窿窿, 滑一滑,
不過都係佢食多, 就吓佢啦!
連淥多個菜都懶,
臨尾加多幾隻冬菇, 當係有少少蔬菜.
兔寶寶: 你地食鹵水, 我就去游水!!!
沒有留言:
張貼留言